Blog do EDLG do CPR Plurilingüe María Auxiliadora de Ourense
Os máis cativos do cole en homenaxe a Rosalía de Castro traballamos con moita ledicia este día con resultados así de lucidos, traballamos con estas manualidades ademais de coñecer a través de contos e canto un pouquiño máis de esta coñecida escritora galega.
O alumnado de 1º e 2º puideron aprender e disfrutar dunha charla con varias familias que nos viñeron contar como axudan nesta sociedade.
Os rapaces e rapazas de 3º e 4º de EP participaron da campaña vocacional, co lema “chámanos a vivir o teu soño”, escoitando as diferentes testemuñas dos pais e nais que lles explicaron a sua vocación a nivel profesional.
Entre eles: piloto de avión, bombeiro, arquitecto técnico, técnico profesional de mantemento e limpeza do ciclo integral de augas, directora de banco e responsable da oficina de turismo.
Grazas ao seu traballo poden axudar a moita xente na sua vida.
O alumnado de 5º e 6º de Primaria tivemos a nosa tradicional “Mesa Vocacional”, afondando, nesta ocasión, na vocación ao coidado e o servizo dos demais.
Para iso puidemos desfrutar coa charla con 3 excelentes invitadas: Lila, mestra de Primaria e antiga directora pedagóxica de Salesianos Ourense, estivo uns 20 anos no noso centro; “Bebela”, unha encomiable nai de 6 fillos e fillas, das familias de antes, e ademais, emprendedora con 55 anos, agora voluntaria en Mans Unidas; e Isabel, unha auxiliar de enfermaría e asistente a domicilio, unha desas heroínas ás que aplaudíamos tanto en tempos de pandemia. Tres testemuñas, tres historias… tres vidas coas puidemos aprender moito.
Ademais, fixémoslles algunhas preguntas e creamos un diálogo moi enriquecedor.
