Pupas, sustos e outros disgustos

 

Os alumnos e alumnas de 4º EP tivemos unha actividade/taller moi interesante chamada: PUPAS, SUSTOS e outros DISGUSTOS. O obxetivo era adquirir coñecementos básicos de primeiros auxilios e saber cómo actuar ante situacións de emerxencia: feridas, golpes, hematomas, febre, picaduras, RCP, posición lateral de seguridade…
Por uns intres fomos uns auténticos enfermeiros e enfermeiras grazas aos nosos amigos e amigas do SERGAS que viñeron a ensinarnos todos estes contidos.

Semana das Telarañas Máxicas

 Educación vial

Durante esta semana o alumnado de 1º e 2º de primaria veu ao colexio dun xeito sostible; bicicleta, patinetes, coche compartido, ...

A maiores cada día foron realizando diferentes actividades para aprender e reforzar este xeito de desplazarse. 

- Quen me atopo camiño ao colexio?

- Que sinais vexo no meu percorrido?

- Canta distancia hai dende a miña casa ata o colexio?

Todas estas actividades están dentro do noso proxecto anual de educación vial que realizamos en colaboración coa DXT

Claustro de Innovación educativa

 INNOVACIÓN

Un  trimestre máis reunímonos todos para formarnos e aprender en comunidade. Por iso levamos a cabo un claustro cos mestres de infantil e primaria para poder ver entre todos os proxectos e camiños que imos tomar.

Xuntos abrindo camiños!

Ourense

A NOSA CIDADE VISTA POLO ALUMNADO DE 3º 

Os alumnos de Terceiro demos un paseo pola cidade para ver os diferentes tipos e as características dos barrios da nosa cidade e as sinais e normas de tráfico. Estivemos acompañados por Ana , unha nai técnica de turismo, que nos explicou os monumentos máis importantes do centro histórico. Agora xa coñecemos un pouco máis a historia de Ourense.

Semana do MECO e a MECA

 O MECO E A MECA MANDAN...

Durante esta semana tivemos uns convidados especiais O MECO e a MECA que nos foron mandando traer cousiñas día a día para quentar motores de cara o ENTROIDO!

Luns gafas ou anteollos para previr os piollos.

Martes debemos engalanar o pescozo para non caer no pozo.

Mércores de calcetíns variados para ir ben uniformados.

Xoves para rematar algo na cabeza levarás.

 

31 de Xaneiro

 Festexamos DON BOSCO

Un gran día celebrando xunto a Don Bosco!

Unha maña que comezou cunha celebración conxunta na igrexa, logo xogos de patio e piscina para os maiores e seguimos cunha tarde de xogos na aula e merendola compartida.

Que ben o pasamos festexando este gran día!