Ademais de celebrar a festa dos maios con deseños creativos creados para tarefas escolares, tamén participamos desde as nosas casas na iniciativa cultural
Así, alumnas e alumnos, profes e familias participamos cantando unhas coplas sumándonos á colaboración que achegou a Asociación Xuvenil Amencer.
Un ano máis (e xa van 11!) o EDLG do colexio organiza as Xornadas da Lingua para promover o uso do galego.
Haberá moitas actividades nas que poderemos participar. Desde EI ata Bacharelato. Alumnado, profesorado, PAS e familias. Formais e informais. Para xente de Salesianos e tamén abertas á cidade...
Animádevos a participar!
E xa sabedes cal é o noso lema: "Eu falo. Ti podes. Inténtao!".
O luns 25 de febreiro, xunto con outras compañeiras e compañeiros de colexios da cidade que pertencen a Escolas Católicas, participamos nunha homenaxe a Rosalía de Castro con motivo do seu aniversario.
No Salón de Plenos da Deputación de Ourense lemos un manifesto e poemas da autora homenaxeada. Tamén cantamos unha canción composta hai uns anos por Elías, profesor de Franciscanas, para celebrar este día.
O 24 de febreiro son moitos os colectivos que organizan diferentes actividades por todo o país para conmemorar a data de nacemento de Rosalía de Castro, muller que significou e significa moito para Galicia, para o galego, para as mulleres...
Destacamos estas tres que terán lugar en Ourense:
#LibreOMeuPensamento_rdc_19
* Domingo 24 ás 13h. na Praza Maior: Acto cultural organizado polo Grupo RosaLauria.
* Domingo 24 ás 18h. no Auditorio Municipal: "Rosalía pequeniña. Concerto". Será un espectáculo familiar gratuíto no que música e poesía van da man na voz de Uxía Senlle na Sala Principal.
Para quen aínda non coñezades o libro-CD, aquí vos deixamos un vídeo para empezar a celebralo...
* Luns 25, de 11:30h. a 12:30h., no Salón de Plenos da Deputación de Ourense: Celebración do Día de Rosalía organizado pola Coordinadora de Escolas Católicas de Ourense. Durante este acto, unha representación de alumnas e alumnos de Carmelitas, Franciscanas, Salesianos e Xosefinas lerán e interpretarán poemas da escritora.
Se vós tamén queredes festexar este día, compartide textos, fotos, etc. co cancelo
O pasado 14 de setembro volveu ao Auditorio Municipal de Ourense o programa de actividades en galego para o público infantil.
O 1º venres de cada mes, en dúas sesións (ás 18h. e ás 19h.) teremos a oportunidade de participar cos máis peques da casa nos espectáculos de teatro, música e danza en galego que se organizan desde o Servizo de Normalización Lingüística do Concello de Ourense. Todas as propostas están pensadas para nenas e nenos de 0 a 6 anos, que entran de balde; as persoas adultas que as/os acompañemos temos que adquirir a nosa entrada en ataquilla.com de maneira anticipada (3€) ou na billeteira antes da función (4€).
Na axenda poderedes ir coñecendo a oferta de actividades programadas.
Este venres 5 de outubro o espectáculo corre por conta de Pablo Díaz, quen fará unha viaxe a través dos contos coa música como fío
condutor,tratando temas e rutinas adaptadas para os máis pequen@s. Para
conseguilo,botará man de instrumentos como frautas, guitarra, harmónica,
e algúns dos seus temas máis populares.Unha sesión relaxada onde a
fantasía e a ilusión serán as protagonistas, e na que grandes e miúdos
axudarán a cantar e a entoar as melodías e retrousos.
Pero o Programa Apego é moito máis!
Se queredes coñecelo un pouco mellor, premede nesta ligazón para acceder a toda a información.
Hai agasallos para as e os peques e se naceron ou van nacer neste 2018, hai unha caixa de benvida agardando por ela/el.
Onte comezou o Festival Internacional de Teatro de Ourense.
É unha boa forma de achegarse ao teatro e tamén de asistir a obras realizadas en Galicia e en galego.
A oferta é ben ampla e pode ser unha boa opción para gozar do tempo de lecer.
Os espectáculos e animación de rúa, así como os do Encontro de Mulleres Creando son de balde. O prezo dos billetes para o resto dos espectáculos programados que se representarán tanto no Auditorio Municipal como no Teatro Principal é de 8€ (agás a obra Todas las mujeres, cun prezo a partir de 12€) para o público xeral e de 5€ para estudantes, xubilados e persoas en situación de desemprego. Poderedes acceder ao programa de actividades e máis información premendo aquí. Seguro que atopades algunha proposta interesante!
No Botánico de Montealegre organizan actividades en fins de semana e vacacións escolares?
O próximo domingo, 4 de marzo ás 11:00h., para celebrar o "Día da árbore", levarase a cabo a actividade "Adopta unha árbore", para todas aquelas persoas de 3 anos en adiante que desexen participar.
Nesa primeira xornada explicarase en que vai consistir a actividade, farase un percorrido polo botánico para escoller unha árbore e comprometerse a que estea ben coidada.
Haberá unha segunda xornada o 18 de marzo no mesmo horario. Desta volta entregaráselle a cada participante na xornada anterior unha placa identificativa para colocar xunto á árbore "adoptada".
Coñecer a natureza e coidala está nas mans de todas e todos; transmitírlles ás nenas e nenos a importancia disto, nas mans das persoas adultas.
Animádesvos a participar en familia nestas actividades?
Se queredes compartir o voso tempo de lecer coas vosas fillas e fillos e facelo en galego, o Auditorio de Ourense ten unha programación infantil ben interesante.
O primeiro venres de mes, na Sala Apego, actividades para nenxs de 0 a 3 anos. Elxs entran de balde, as persoas adultas pagamos unha entrada de 3€.
O vindeiro domingo, 2 de abril, ás 17:00h. no Auditorio Municipal de Ourense representarase unha adaptación da obra A galiña azul, de Carlos Casares.
Está pensada para rapazas e rapaces de 6 a 10 anos, acompañados polas súas familias.
É unha boa oportunidade para gozar do teatro en familia e homenaxear dalgún xeito ao autor a quen este ano a Real Academia Galega lle adica o Día das Letras Galegas.
Apego é un programa colectivo creado para fomentar e mellorar a transmisión do galego como lingua inicial.
Cal é o lema deste programa?
"Apego, pola vida e pola lingua". Este
é o lema deste proxecto no que os pais e nais, e os educadores en
xeral, van atopar orgullo pola máis orixinal das nosas creacións e forza
para preservala e transmitila.
Como naceu a idea?
Naceu por iniciativa da Coordinadora de Traballadores/as de
Normalización Lingüística e desenvólvese, de xeito cooperativo, entre os
servizos de normalización dos concellos adheridos.
A quen está dirixido?
Diríxese ao contexto familiar e social dos nenos e nenas nos seus
primeiros anos de vida (0 a 6) para achegarlle argumentos e facilitarlle
ferramentas e redes que sosteñan e arroupen a crianza en galego.
Amor, arraigo, lingua, orgullo e identidade.
Apego
é empatía, vínculo, comunidade… Apego é apoio para a responsabilidade
de construír o futuro desde a raíces e a lingua propia.
Nesta ligazón poderedes atopar máis información, recursos, actividades...
Animádevos a legarlle tamén á rapazada o amor pola lingua.
O sábado 4 de maio un grupo de alumnas e alumnos de 3º e 4º ESO participou na Final do Club de Debate celebrada no Auditorio de Galicia, Santiago de Compostela.
Os equipos participantes nesta fase final, representantes das seis zonas en que se divide o certame, son o CPI dos Dices (Rois), o CPR Plurilingüe María Auxiliadora-Salesianos (Ourense), o IES Castelao (Vigo), o IES Parga Pondal (Carballo), o IES Sánchez Cantón (Pontevedra) e o IES Saturnino Montojo (Ferrol).
