Pupas, sustos e outros disgustos

 

Os alumnos e alumnas de 4º EP tivemos unha actividade/taller moi interesante chamada: PUPAS, SUSTOS e outros DISGUSTOS. O obxetivo era adquirir coñecementos básicos de primeiros auxilios e saber cómo actuar ante situacións de emerxencia: feridas, golpes, hematomas, febre, picaduras, RCP, posición lateral de seguridade…
Por uns intres fomos uns auténticos enfermeiros e enfermeiras grazas aos nosos amigos e amigas do SERGAS que viñeron a ensinarnos todos estes contidos.

Semana das Telarañas Máxicas

 Educación vial

Durante esta semana o alumnado de 1º e 2º de primaria veu ao colexio dun xeito sostible; bicicleta, patinetes, coche compartido, ...

A maiores cada día foron realizando diferentes actividades para aprender e reforzar este xeito de desplazarse. 

- Quen me atopo camiño ao colexio?

- Que sinais vexo no meu percorrido?

- Canta distancia hai dende a miña casa ata o colexio?

Todas estas actividades están dentro do noso proxecto anual de educación vial que realizamos en colaboración coa DXT

Claustro de Innovación educativa

 INNOVACIÓN

Un  trimestre máis reunímonos todos para formarnos e aprender en comunidade. Por iso levamos a cabo un claustro cos mestres de infantil e primaria para poder ver entre todos os proxectos e camiños que imos tomar.

Xuntos abrindo camiños!

Ourense

A NOSA CIDADE VISTA POLO ALUMNADO DE 3º 

Os alumnos de Terceiro demos un paseo pola cidade para ver os diferentes tipos e as características dos barrios da nosa cidade e as sinais e normas de tráfico. Estivemos acompañados por Ana , unha nai técnica de turismo, que nos explicou os monumentos máis importantes do centro histórico. Agora xa coñecemos un pouco máis a historia de Ourense.

Día da Cinsa

 O noso "mércores" de cinsa

Comezamos a Coresma 2023 coa celebración da imposición da Cinsa. Xa que o mércores é día non lectivo fixémolo o xoves. A través dunha bonita celebración participativa e con cantos.

Infantil marcha de comparsa

 De comparsa ...

Os nenos e nenas de infantil xunto cos seus mestres fixeron un gran desfile polas rúas de Ourense.

Este xoves 16 pola tarde sairon do colexio e deron un paseo lucindo os seus fermosos disfraces realizados polas mestras.

A temática foi o ceo estrelado, coas súas fermosas lúas, as numerosas estrelas e os brillantes soles.

Que fermosos estaban e que ben o pasaron!!!!