Rematamos os nosos ...

 

... mércores da froita!

Hoxe queremos recoñecer o compromiso e a participación dos nosos nenos e nenas de Educación Infantil e Educación Primaria na actividade “Mércores da Froita”.

Ao longo de todo o curso escolar, cada mércores, o noso alumnado trouxo froita para merendar a media mañá convertendo este sinxelo xesto nun hábito saudable que contribúe ao seu benestar e á adquisición de estilos de vida máis sans. Esta iniciativa non só fomentou unha alimentación equilibrada, senón que tamén serviu para concienciar sobre a importancia de coidar a saúde desde idades temperás.

Queremos felicitar aos nosos nenos e nenas, verdadeiros protagonistas deste proxecto. Co seu entusiasmo e constancia demostraron que os pequenos hábitos poden xerar grandes resultados. Por este motivo, facemos entrega dun diploma por aula como recoñecemento á súa participación en “Mércores da Froita”, agradecendo o seu esforzo e animándoos a continuar practicando hábitos saudables dentro e fóra da escola.

Parabéns a todos e todas, e moitas grazas pola vosa colaboración! 👏🍎🍌🍐🍊🍓

Proxectos no cole

 SAÚDE INTEGRAL

🍎🍊 Seguimos cos Mércores de Froita no cole! 🍍🍓

O proxecto de saúde comezou outro ano máis con moita enerxía! 💪 Nas aulas, cada mércores é un día especial: o "Mércores de Froita" segue enchendo de frescura e cor as nosas aulas, con todos os nenos e nenas traendo as súas froitas favoritas ao colexio.

O obxectivo segue sendo o mesmo: fomentar unha alimentación saudable, que os pequenos aprendan a elixir opcións nutritivas e, sobre todo, que gocen dunha merenda rica e enerxética!💚

Vémonos o vindeiro mércores con máis froitas! 🍇🍓

A nosa festa ...

 ... O MAGOSTO!

Hoxe no noso cole festexamos por todo o alto o MAGOSTO!

Cancións, xogos na clase, fogueira, merenda compartida, obradoiros, ...

Feliz San Martiño a todos e todas!