31 de Xaneiro

 Festexamos DON BOSCO

Un gran día celebrando xunto a Don Bosco!

Unha maña que comezou cunha celebración conxunta na igrexa, logo xogos de patio e piscina para os maiores e seguimos cunha tarde de xogos na aula e merendola compartida.

Que ben o pasamos festexando este gran día!

E chegou o Día da PAZ

 

30 de Xaneiro

Festexamos xuntos un ano máis o acto da Paz.

Infantil e o primeiro ciclo de primaria compartiu os seus fermosos obradoiros.

Do segundo ciclo ata secundaria ofreceronnos unha mochila e un camiño de esperanza e valores necesarios para vivir neste mundo en fraternidade.

O noso proxecto de Educación Viaria

 

Convertemos o colexio nun circuito

Este mes traballamos as sinais de tráfico e a súa aplicación real polo que convertemos os  corredores do noso edificio de primaria nun circuito. 

Vemos unha exposición

 

EXPOSICIÓN “SEN BIODIVERSIDADE NON HAI VIDA”

A exposición “Sen biodiversidade non hai vida”, deseñada por Ecoloxistas en Acción, estivo a disposición da comunidade educativa entre o luns 16 e o venres 27 de xaneiro. Grazas a Nancy Blanco, coordinadora de Ecoloxistas en Acción Ourense, encargada de xestionar a cesión do material, a exposición estivo instalada no Laboratorio de Ciencias da Natureza durante a primeira semana, e no hall de secretaría durante a segunda.

A exposición consta de 10 pósters, que tratan os seguintes temas:

• Sen biodiversidade non hai vida.
• Que é a biodiversidade.
• Perdendo biodiversidade.
• Nós somos a causa.
• Somos biodependentes.
• A polinización.
• Unha farmacia inesgotábel.
• A biodiversidade, esencial para a economía.
• Fonte de pracer.
• Deter a perda de biodiversidade.

Por ela pasamos varios cursos de primaria mentres o noso gran mestre de secundaria Quique nolo explicaba dun xeito máis dinámico.

Mira que boca

 

APRENDEMOS A COIDAR A NOSA BOCA

Ao longo destes días realizamos a actividade " Mira que boca" , cos peques de Infantil dentro do programa de saúde bucodental en atención primaria para nenos do servizo galego de saúde. Non so se explicou e practicou como debemos limpiarnos os dentes se non tamén a importancia dunha alimentación sana para o coidado dos mesmos .