Apaixoados polo tempo libre: IEF

Na inauguración deste novo curso gozamos en Primaria da presentación das actividades extraescolares dos grupos de tempo libre que se dinamizan desde a Asociación Xuvenil Amencer.

Mediante o xogo e diversas dinámicas contáronnos que fan, cando se xuntan, por que é unha boa idea participar neles, como se poden anotar... 

Tendo a Saltimbanquis que se xuntas os venres logo do cole, Andaina e ADS os sábados pola mañá. 

Un xeito de gozar e aprender no tempo libre e como non onde tamén ten cabida o GALEGO

Fin de curso.

 Aínda que para o alumnado as clases remataron o 22, o profesorado continuou traballando ata o día 30 para pechar ata setembro este curso tan diferente, intenso e complexo.

Grazas ao alumnado, ás familias, ao profesorado e a todo o PAS porque sen a complicidade e o esforzo de todos non sería posible rematar sen incidentes salientables este curso.

Tivemos o noso claustro de despedida e marchamos de vacacións ata setembro.

Aínda que Salesianos segue aberto durante o verán con actividades de tempo libre xestionadas desde a Asociación Xuvenil Amencer.

Bo verán e felices vacacións.

Vémonos en setembro!

Benvido, maio!

 No noso cole dámoslle a benvida a este mes elaborando maios, colocando maias no cole e nas casas e visitando o maio de Amencer ao ritmo das coplas, seguindo a tradición.

Grupos do Itinerario de Educación na Fe (IEF) de Amencer: nova invitación para participar neles.

Cando comeza o curso, é tanta a información que moitas veces non nos enteramos. E neste curso que as normas do protocolo COVID invadiron todo, máis. Por este motivo, desde Amencer volveron presentar nas aulas os grupos do IEF.

Non podemos reunirnos en grupos na rúa ou nos parques, pero podemos seguir aprendendo e medrando en grupo desde as propostas de tempo libre na medida en que poidamos ou adaptándonos ás circunstancias.

A invitación está feita: Apúntate a Saltimbanquis, Andaina, ADS ou Catecumenado!

Novas formas de quilaborar: E-Sports!

 

Unha nova proposta para "quilaborar": participar nas partidas solidarias promovidas pola Federación de Centros Xuvenís Don Bosco de Galicia, da que a Asociación Xuvenil Amencer de Ourense forma parte.

Xogar con mozas e mozos doutros lugares de Galicia por un fin solidario.

Vídeo presentación E-Sports pro Operación Quilo.

Chega decembro. Operación Quilo: Semente de solidariedade.

Como cada ano lembrámonos das persoas que pasan necesidade na nosa cidade.

Por iso desde o colexio traballamos de maneira moi intensa esta campaña solidaria organizada pola Asociación Xuvenil Amencer para recadar alimentos, xoguetes e diñeiro (que se transforma en alimentos) que despois se repartirán desde as Cáritas parroquiais entre as persoas necesitadas de Ourense.

Titorías, pequenos compromisos, achegas persoais e como grupo-aula, implicación das familias, aprender facendo, participar desde as actividades deportivas, ir comprar ao supermercado para doar...

Como dicimos sempre: "Ti que podes, quilabora!".

Aí vén o maio...

Aquí vos compartimos a iniciativa da Asociación A Bela Auria para celebrarmos a festa dos maios.

Como recollen na páxina Cantádeme un maio:

A grave crise sanitaria que estamos a atravesar fai que este ano non poidamos celebrar a festa dos Maios na rúa.

É por iso que colectivos e persoas que tomamos parte desta tradición facemos un chamamento para a vivir desde a casa.

O domingo día 3 publica na rede as coplas (letras ou vídeos cantándoas) e as fotos dos Maios feitos co material que teñas na casa. Emprega o cancelo #CantádemeUnMaio nas túas publicacións.

Esta iniciativa quere dar voz a un elemento da nosa oralidade, da nosa cultura, que pide que non a canceles.

#CantádemeUnMaio non terá carácter competitivo, aínda que si contará cun concurso de coplas moi “especial”.

Se non sabedes como compoñer as vosas coplas, ademais de na páxina anterior aquí vos deixamos un vídeo-titorial no que Eira Losada, de Nubes Baixo Ti, volo explica moi ben...

E un exemplo dunhas copias nas que seguro que coñeceredes a animadoras e animadores de Amencer.

Animádevos a crear o voso maio e as vosas coplas en familia e a compartilo coas e cos profes e nas vosas redes sociais!

Actividades de tempo libre educativo na e desde a casa

Chega a fin de semana e dispoñemos de máis tempo de ocio. Como temos que seguir quedando na casa, volvemos traer a proposta da Federación de Centros Xuvenís Don Bosco de Galicia: actividades de tempo libre para pasalo ben durante este periodo de confinamento doméstico.

Como se recolle na súa páxina web, "os animadores e animadoras dos centros xuvenís da Federación Don Bosco queremos seguir aportando o noso traballo voluntario adaptándonos á situación actual, en contra do aburrimento e tratando de levar o mellor posible este confinamento. 

Por elo imos a publicar nesta web e nas webs dos 5 centros xuvenís  propostas de actividades diarias para facer na casa. Dividímolas en 3 áreas:

Móvete!  (xincanas, actividades deportivas, videoxogos, baile,...).

Crea!  (obradoiros, xogos de mesa, receitas,...).

Respira!   (lecturas, reflexións, para manter esperta a cabeza e o corazón).

Tamén teremos algunha proposta online para mozos que iremos desvelando pouco a pouco.

Seguimos á vosa disposición no correo fed.galicia@confedonbosco.org".

Hoxe sábado propóñennos unha carreira de avións, aprender a facer cookies e pelotas anti-estrés.

Anímadevos a participar!

Presentación dos grupos de tempo libre

Na primeira semana do xaneiro, na hora de titoría en Secundaria e nalgunha clase coas persoas titoras en Primaria, volvéronse presentar as actividades extraescolares dos grupos de tempo libre que se dinamizan desde a Asociación Xuvenil Amencer.

Lembróuselle ao alumnado que son, que fan, cando se xuntan, por que é unha boa idea participar neles, como se poden anotar... 

E por se a alguén non lle quedou claro...

- Os venres á tarde xúntanse os Saltimbanquis (para o alumnado de 1º a 3º de EP).

- Os sábados á mañá, xúntanse os Andaina (para o alumnado de 4º, 5º e 6º de EP).

- Os sábados á mañá tamén se xuntan os ADS (para o alumnado de 1º e 2º de ESO ).

- Os venres, desde as 15:45h. até as 00:00h. (os horarios establécense en función dos grupos), reúnense os grupos xuvenís, a oferta para o alumnado de 3º de ESO en adiante.

Unha opción para aprender, medrar e pasalo ben en grupo... Tamén en galego!