24 de febreiro, Día de Rosalía

O 24 de febreiro son moitos os colectivos que organizan diferentes actividades por todo o país para conmemorar a data de nacemento de Rosalía de Castro, muller que significou e significa moito para Galicia, para o galego, para as mulleres...

Destacamos estas tres que terán lugar en Ourense:

#LibreOMeuPensamento_rdc_19

* Domingo 24 ás 13h. na Praza Maior: Acto cultural organizado polo Grupo RosaLauria.

* Domingo 24 ás 18h. no Auditorio Municipal: "Rosalía pequeniña. Concerto". Será un espectáculo familiar gratuíto no que música e poesía van da man na voz de Uxía Senlle na Sala Principal. 

Nesta ligazón poderedes atopar máis información.

Para quen aínda non coñezades o libro-CD, aquí vos deixamos un vídeo para empezar a celebralo...

* Luns 25, de 11:30h. a 12:30h., no Salón de Plenos da Deputación de Ourense: Celebración do Día de Rosalía organizado pola Coordinadora de Escolas Católicas de Ourense. Durante este acto, unha representación de alumnas e alumnos de Carmelitas, Franciscanas, Salesianos e Xosefinas lerán e interpretarán poemas da escritora.

Se vós tamén queredes festexar este día, compartide textos, fotos, etc. co cancelo 

#LibreOMeuPensamento_rdc_19 

Feliz Día de Rosalía 2019!

Nova tempada do Proxecto APEGO

O pasado 14 de setembro volveu ao Auditorio Municipal de Ourense o programa de actividades en galego para o público infantil.

O 1º venres de cada mes, en dúas sesións (ás 18h. e ás 19h.) teremos a oportunidade de participar cos máis peques da casa nos espectáculos de teatro, música e danza en galego que se organizan desde o Servizo de Normalización Lingüística do Concello de Ourense. Todas as propostas están pensadas para nenas e nenos de 0 a 6 anos, que entran de balde; as persoas adultas que as/os acompañemos temos que adquirir a nosa entrada en ataquilla.com de maneira anticipada (3€) ou na billeteira antes da función (4€).

Na axenda poderedes ir coñecendo a oferta de actividades programadas. 

Este venres 5 de outubro o espectáculo corre por conta de Pablo Díaz, quen fará unha viaxe a través dos contos coa música como fío condutor,tratando temas e rutinas adaptadas para os máis pequen@s. Para conseguilo,botará man de instrumentos como frautas, guitarra, harmónica, e algúns dos seus temas máis populares.Unha sesión relaxada onde a fantasía e a ilusión serán as protagonistas, e na que grandes e miúdos axudarán a cantar e a entoar as melodías e retrousos.

Pero o Programa Apego é moito máis! 

Se queredes coñecelo un pouco mellor, premede nesta ligazón para acceder a toda a información. 

Hai agasallos para as e os peques e se naceron ou van nacer neste 2018, hai unha caixa de benvida agardando por ela/el.

11ª edición do FITO

Onte comezou o Festival Internacional de Teatro de Ourense.

É unha boa forma de achegarse ao teatro e tamén de asistir a obras realizadas en Galicia e en galego.

A oferta é ben ampla e pode ser unha boa opción para gozar do tempo de lecer.

Os espectáculos e animación de rúa, así como os do Encontro de Mulleres Creando son de balde. O prezo dos billetes para o resto dos espectáculos programados que se representarán tanto no Auditorio Municipal como no Teatro Principal é de 8€ (agás a obra Todas las mujeres, cun prezo a partir de 12€) para o público xeral e de 5€ para estudantes, xubilados e persoas en situación de desemprego.

Poderedes acceder ao programa de actividades e máis información premendo aquí.

Seguro que atopades algunha proposta interesante!

Actividades infantís no Auditorio de Ourense

Continúan as actividades para o público infantil dos domingos ás 12:00h. (ou o 1º venres de mes a partir das 18:00h. na Sala Apego).

Premendo nesta ligazón poderedes atopar máis información.

O próximo domingo 28 de xaneiro, Martín Martín - Mircromina.

Pode ser unha boa maneira de que a rapazada se familiarice coa lingua e o teatro, non credes?

Actividades infantís no Auditorio

Se queredes compartir o voso tempo de lecer coas vosas fillas e fillos e facelo en galego, o Auditorio de Ourense ten unha programación infantil ben interesante.

O primeiro venres de mes, na Sala Apego, actividades para nenxs de 0 a 3 anos. Elxs entran de balde, as persoas adultas pagamos unha entrada de 3€.

Os domingos, ás 12:00h., teatro para a rapazada.

Aquí vos deixamos unha ligazón á programación de setembro a decembro de 2017: http://www.ourensecultura.com/gfx/Blog/files/PROGRAauditoINF2017web.pdf

Porque a cultura é un ben que se transmite desde a familia, animádevos a participar desta oferta en galego.

Coñecedes a programación infantil do Auditorio Municipal de Ourense?

Os domingos, ás 12:00h. hai actividades destinadas ao público infantil no Auditorio.

Pero non só os domigos!

O primeiro venres de cada mes, ás 18:00h. e ás 19:00h. na Sala Apego do mesmo Auditorio hai actividades para rapazas e rapaces de 0 a 6 anos.

Aquí vos deixamos unha ligazón para acceder á programación.

Animádevos a participar!