As visitas culturais... Agora telemáticas!

 A COVID cambiou moitas dinámicas da escola. Entre elas, as visitas ás exposicións, que agora son telemáticas.

Pero non todo o que nos trouxo a pandemia é "malo", con ela tamén chegaron oportunidades como a de visitar a Exposición De Nós a nós do Gaiás ubicada na Cidade da Cultura en Santiago de Compostela.

20 de novembro: Día Internacional das nenas e dos nenos

 Desde a materia de Proxecto Valores prepararon un vídeo para conmemorar esta data.

Magosto

 

Outra celebración tan nosa que se tivo que adaptar á situación COVID... Mais no noso cole, nas aulas, seguimos celebrando o San Martiño, seguimos coñecendo e celebrando a tradición dos magostos, tan nosa.

Lembramos a Carvalho Calero

 Aínda que non se lle puido dedicar a Ricardo Carvalho Calero un Día das Letras Galegas como merecía por mor da pandemia, no cole quixemos lembrar a súa figura e o seu legado desde as aulas de Lingua galega no día do seu aniversario.

Retos para o alumnado de 3º ESO...

Desde as clases de Lingua galega traballáronse uns retos diarios para coñecer o que se fai na nosa lingua, descubrir recursos, rachar con prexuízos, descubrir as posibilidades do galego...

Aquí vai o que tiveron que facer:

Celebramos o Samaín

 Aínda que este ano por mor da pandemia tivemos que adaptar esta celebración, non deixamos de festexala nas aulas.