Blog do EDLG do CPR Plurilingüe María Auxiliadora de Ourense
24 de febreiro é unha data destacada no cole. Ese día celebramos o nacemento de Rosalía.
Aquí vai unha mostra de moitas das actividades que se organizaron este curso para conmemorar esta data: Cartel, mural no pórtico, rosas para Rosalía, debuxos, marcapáxinas, xogo de escape a través do Chromebook, lectura de poemas, caldo de gloria no comedor escolar...
No comezo da coresma, lembramos que somos e seremos po. O importante é a Vida que transcorre entre medias.
Adaptado ás circunstancias e aos protocolos. "Descafeinado", si; eliminado, non.
Máis imaxes e vídeos nas RRSS do cole.
Comezamos co xesto colexial polo Día da Non Violencia e a Paz e rematamos o mes celebrando a festividade de San Xoán Bosco.
Este curso foi distinto pola pandemia, pero adaptamos as propostas para non deixar de conmemorar o que para nós é importante.
Seguimos o Xesto da Paz en directo desde as aulas, mentres unha representación de compañeiras e compañeiros participaban no mesmo desde o patio.
Participamos en concursos, fomos ao templo para as celebracións relixiosas, tivemos as nosas tradicionais veladas (pero gravadas en vídeo e seguidas despois desde as aulas)... Todo con sentidiño, pero sen perder a ilusión!
