Benvido, maio!

 No noso cole dámoslle a benvida a este mes elaborando maios, colocando maias no cole e nas casas e visitando o maio de Amencer ao ritmo das coplas, seguindo a tradición.

Visita telemática á exposición "De Nós a nós".

Por mor da COVID non puidemos visitala en grupo no Centro Cultural Marcos Valcárcel (aínda que si puidemos facelo persoalmente coas amizades e a familia), pero tiñamos que aproveitar as visitas telemáticas para poder aprender máis da Xeración Nós a través desta exposición.

Persoas, datos curiosos, contidos, proxección, ideas modernas... Unha sorte poder participar aínda que fose de xeito telemático!

E se no 1920 un grupo de persoas foi quen de lograr poñer Galicia e o galego no eixo do panorama cultural, que non poderemos facer nós no século XXI cos recursos e ferramentas que temos...

Celebración do Día de Rosalía

 24 de febreiro é unha data destacada no cole. Ese día celebramos o nacemento de Rosalía.

Aquí vai unha mostra de moitas das actividades que se organizaron este curso para conmemorar esta data: Cartel, mural no pórtico, rosas para Rosalía, debuxos, marcapáxinas, xogo de escape a través do Chromebook, lectura de poemas, caldo de gloria no comedor escolar...

Entroido!

 Adaptado ás circunstancias e aos protocolos. "Descafeinado", si; eliminado, non.

Máis imaxes e vídeos nas RRSS do cole.