Hoxe achegámosvos un novo recurso, da man da Fundación Meniños: O mundo de Milu.
É unha web educativa, cun espazo dirixido fundamentalmente ás cativas e cativos na que recollen as súas achegas e propostas, os seus debuxos e comentarios... Mais nela tamén lles ofrecen xogos, ferramentas, ligazóns, libros...
Paralelamente vai dirixida ás persoas adultas que estamos en contacto cotián coa infancia, ben exercendo como nais, pais, titoras ou como persoal educativo, monitores de tempo libre...
Para estes días na casa recomendámosvos o xogo "O Reino das Emocións", destinado ás nenas e nenos de Educación Infantil e 1º, 2º de Primaria, a través do que poderemos aprenderlle á rapazada "a desenvolver as súas competencias emocionais por medio da historia de Draco, un dragón que chega ao Reino do Aloia para aprender a xestionar as súas emocións coa axuda da fada Andreia. Na súa viaxe coñece a diferentes personaxes, e de cada un deles leva unha ensinanza".
Desexamos que vos sexa de utilidade!
Ningún comentario:
Publicar un comentario